Wuinka soou Karouya
Tü Wuinka soou Karouya (alijunaiki: Laguna de Sinamaica) antunusü anain chaa palaamüin sünain mma'ipakat Suuria, wattalü sünain wanee oora suliia alijunapoapa'a Marakaaya chaa mmakat Wenesueela.
.JPG)
Süchikejee tü puentaa sooujeka Wuinka Limünaa (Rio Limón) tü palajanaka suwatalee wuin jünain Karouya, jaa'yasü wattaje'e tü pichiikana akümüjünaka sutuma tü pueuloka Palaajewai, tü pichiikana münusu Palafito sutuma sunüiki alijuna. Sutuma sukuwaitpaa Wenesueelajetü münusu kaa sunulia mmakat (Wenesueela) antusü sünainje kajamüin tü alijunayuko epaainyajewai, shiraapa'a tü pichiika akümüjünaka souje wunü ajooi'tünaka shiroko Wuinka soou Karouya, tü alijunaka müsuu ja'ain joüchonka Wenesiia. Tü akumüjushika pichii shiia süpüla wanee apüshi palaajewai, tü makaa ainjünüsü soou wuin jee siia wunü mankülarü; tü akuwaitpaaka kepiaka sulü jiia tü Palaajewai, tü eyüliia sukuwaitpaa müinka aloojülü jimee, akootchaa'jülü jee siia aikaka kassa.
Tü awateera'pala sulü jiia tü anüwaakalirü, münusu sutumairü (Cayuco), anüwaa sukuwaitpamajatü ainjünaka sükaa wunüko sünainje mankülarü pejeeka soou wuinka, kaa nnojotsu anaain nee süpüla oünaa jee waraitaa pichiikana'müin kaa eesü supüla eikaja chejee sotpaa Wuinka Limünaa –shi'ipolojeka eitajaa'ka shiküinpala wuinka- antaka süpüla erajaa anaawaka sünain wuinka soou Karouya.
Pasanain sünain tü wuinka eesü wanee erajaapüle türiista'pala ee antüin tü alaapalaka süpüla erajaaka soou anaaka ma'ain sünain wuinka, jee eesia wanee ikülesia anooüjiapüle akümajaanaka sükaa süpaana mankülarü jee eneea jee siia wanee Ekirajapüle Koleejia jünain piama anüiki müin sukumujüinka sukuwaitpaa Palaajewai.