Roo sümaa siina

Roo süma siina (alijunaiki: arroz con carne soleada) Süchiki roo süma siina, shiküin wayuu sümaiwa, alakajaanüsü süka wuin süma ichii ma'akasat seita, tü shi'iruku paa, anneerü müsia kaula, eiru'utnusu süpüla akaashajüna tü asalaakat keetaapa eiyajünüsü süka ichii watta saali, asüsiinajünüinjatüin sutuma wayuu sou piama kai süpüla josoinjatüin sutuma süwarala kai, mapüleesat sülakajaaya nojotsü choujain wattain saali kasa saaka. Shia sükuaipa eküülü kakaliairü sutuma wayuu, mo'ulu yaa waimaitpa kasa eitanaakalü saaka, e'eyülia tü wayuu ainmajakat tü sukuaipa shiküin aka aitpain tü jamükat moutpüna yaa chaya wajiira maaka sainküin mmapaakat süpüshuwaaya.

Sujutu shiküin wayuu

Mainma eküülü ainmajüneeka akuaipa mo'ulu yaa aka ain saali jamü, ekirajüneeshi na tepiichikanainua natuma naa laülayuukana sünain sükuaipa tü asüsiinajaaka asalaa suulia nojolüin nojutüin tü asaala nantakalü anain, suulia jawairain nee natuma, sümaiwa naimajüin na laülayuukana akuaipaaka tü, joolu naa tepiichikanainua nojotsü neerajüin, mo'ulu choujaasü natüjain sou akaa suunuin waneepia tü luusaakat sainküin mmapaakat, suulia jawalin nee tü na'asalaasekat aka shia süka tü, nainreerü tü asüsiinajaaka muleeka shiitanui shikii napuleerua. Nojotsü anain süpüla amuloinjatüin tü akuaipaaka.