Retos del pueblo wayuu
Retos del pueblo wayuu
anaataa
Süchejalaa Wayuu Suluu Wo'umain Süpüla Watta Ka'i .
Süchejalaa Wayuu Suluu Wo'umain Süpüla Watta Ka'i .
Tü müsü sain wanee lapü süpüla watta ka'i jee weinshiinjatü wajirü jee süluu Mma supula. Einjatüin wapansajüin sukua'ipa tü kasa mojosü wainrakalü sümüin Mma jee tü eekalü suluu , süpüla nnojoin suwanajain tü sukua'ipaka, süpula einjstüin shia mainma ka'i, jee süpüla nnojolüin eein kasashikii müinka , wawai, walatshi, miasü, ayulee , sukutkujain Mma, nnojolüin suchuwanajain samanapa'a,
Suluu wo'umain Wajirü jee suluu Mma supushuale sheküsü wainmain eekalu sululu , supula ana'ainjatüin shia , müinma yaa jaishi main shi ka'i wamakai , aisü main walatshika , mainma kasaa awanajaka , nnojotsü müin sain sümaiwa , natüjain o'uu naa laulayukana so'u sükalia juyapü , iiwa, joutaleu , patünainjirawaa, iirualaa, so'ojüin samülü , awanajusü , kaa wainmain kasaa nnojoka wainmain suluu Mma.
Sheküsü wachijirain sünain wachejain wanee ana'ataa sukua'ipa tü Mmakalü süpüla nnojolüinjanüin mulian wayaa wattaka'i , sheküshii yo'otüin waya namüin naa wachonyuu , walüinrüa, wasipünü , napüshualee naa wapüshikana supula wainmainjatüin tü we'i Mma wamakalü.
Sheeküsü weinmalüin wain sünain tü ajaakalü wasuura , sheeküsü weimalüin wain sünain wo'oyonojüin tü Wünüliakalü , sheeküsü weinmalüin wain sünain wo'olojüin jee wo'ottuin sain tü mürülü sheeka wüin püsiasü jee tü paalakalü, jee tü eekalü so'upüna Mmakalü, eere ein luusü sheekusü woyoküjain wachijirapa, sheeküsü wachejain sukua'ipa tü pülastika sütakalü weküin , wasüin , sheeküsü wainmain Mma .
Nnojolüjanaa waya müin nnojotsü wanainpünain tü kasachiki aalatakalü suluupüna Mmaka supushuale nnojotsu tanainpünain , nnojotta wanainpünasü , inajaa shia werüin sünain tü sukua'ipaka woumain müinmaaya , shia nnojokta süitein juya , shia aikamain walatshi , shia jaika main ka'ika , shia suntalaa sümaka wanee joutai , shia aika miasü jee aika jamü sümüin wayuu.
Waya wayuunaka sheeküshii kottirain waya süpüla wainmajüin Mma. Sheeküshii weintain wain sünain weitain wain sünain aa'in wapula Mma jee tü eekalü suluu. Sheeküsü yootüin waya namaa naa tepichi , jimulü, majayutnuü jee naa mioyukana süpüla wainmain Mma weinshi eepünalee waya.