Luma

Luma (alijunaiki: enramada) Tü lumakalü shia eere suutkajaain wayuu, jemioushi, eere anain süpúla yooto, koottirawa, anaata sukua'ipa kasa. Numuin wayuu shiawasee anaa, lotusü tü münaka suupüna, kojutusü aantirawa e'iruku sulu'u. Tü wunüuliia sa'ayaka luma, shia suttia tü pütchi shiimüinsüka, anaatiee wanee kasa. Müsia tü saapüka tu lumaka musükasain tu ayawajawakaa ain, aapaka pütchi Sulu`u painsawa.

Süpüla akumalaa wanee luma: anaataa

Lugar de aprendizaje.

Süpüla akumaja wane luma che'ijaasü outkalawa süpüla yooto suchiküa, sukümajia, e`iyatunajat shiiakua jamüintuin shia. Esü ayanamaja, sünain akaliijirawa natuuma naa tooloyuukana.

Lumakat, akumajuushi natuma wayuu, süma nupüshi, müsia nutünajutuirua, waimeeshii na aku'yamaliikana, süpüla shialeraamaatüin. Wanee luma akumajünüsü süka wunu'u aipia, uraichi, peraa, süsa'asü atuma, koushot müsia saajüna yotoojolo, kashushiira, paaruma. Che'ijaasü tü lumakat, süpüla aapawaa jemiyooushi, outkajaayaa süpüla a'tapajaa kasa, eemeraayaa süchikijee a'yatawa. Sujutkajaalee wayuu süpüla eme'erajawaa, yooto, akümaja sukua'ipa kasa, eekai alatüin nümüin nüpüshi wayuu. Tü lumakat shiyaawashe kamanewaa, paa'inwaa. Lotusu nakua'ipa wayuu sulu'u nulumashe, süka waimain tü wayuu akumajakaa Shia.

Suupüna luma aapajünüsü nüküjala taata nutuma jima'ai, süpüla achiaanaa. Che'ijaasü aapajünaa tü pütchikat weinshi shi'iree kaa'inwaa. Aapajünüsü jayeechi natuma tepichi, ekiirajunushi naa, jiimalii sünain atalejaa Kasha, müsia oulaka ni'ira wüchii suka turompa, maasi, supula natiijain tuin sutuma wayuu alaulayuu.

Kojutushi naa antakana suupüna walumashee, kajamuin, epiapai'in shia, antüna anainchi wayuu nipialu'u, ajuitusu na'anasian suuluje nulumashee, Alapajünouchi, ayalajunouchii wayuu, wainma tu antaka, sünain analawa numuin, eikajasu nutünajutu naatoupuna. Shiiyutnapa nipüsee anaatunushii suupüna nulumashee. Che'ijaasü suutkajaya türa wayuuirua achuntuin jieyuu. Anatie Süchirua eiruku.

Nuuputayasü tu na'anasianka supuna tu nulumasheeka. Tu lumaka Che'ejasü enjatuin Shia weinshii, suka sumaneein Shia wayuu.