Aküjalaa jüchiki Wolunka

Naashen naa watuushinukana Taata Male'iwa paala jumaleeiwa'aya ma'i nukumajuin wanee piichi anache'echonshaanasü jüka yotojolo nüsakalajala cha'ya wunaapüje jünainjee tü yosu jutsuka'irua, nüchaja'alewolin tü jusa'ainjatüka otta musia tü a'ipiasepaka jüpüla jiinnajie tü jutujunaka jumaa jüralaajunaka jüpüla jukumajaainjatüin tü piichika, jüchikajee kettaain nütuma tüya naapaka tü pootshika, nukumajaka wanee wayuu jier anache'echonshaanasü Wolunka Jünülia, juchikajee kettain nutuma nikerotiraka jia pa'ülümuin ma'aka jaain wane kasa nukorolo julu'u aishaanain jumaa kojutushaanain nutuma. Jiasa wanee ka'i maínma ma'i tü wayuu kaainjarannuukalü, ma'aka jaain puloi julu'u junanajaku jumaka junainru'upuna tü piichika jumaa juyakalachonnin tü yotojoloko jietta'ya jüpüla jirüinjatüiruin wanee wayuu julamia anasche'echonshaata ma'i yala pa'ülu, jüchikajee tüya ju'unaka jünain aküja jüchiki tü wayuu jirakalü yala' pa'ülü numuin juya, yalajee yalaala ke'eketsü nain ji'ire nirüin jüpüla niraajüin jia, jakatsa isain nüchiki jüpüla nirüinjatüin jia jüka jamüin süttate'echonsu jumaa anashaanain jukumajia tü pichikat juulia jitnüinjatüin jutuma wayuu kama'ulaluiruwa. Maima tü kasa jülüjayaaka naain jüpüla nirüinjatüin jia. Jiasa jou wanee ka'i nüsiiyajaaka tü naamainka jüpüla jüitajatüin tü juyaka julu'u mule'ushaanain jia jüpüla jusotuijatuin tü wuinka julu'upuna tü yotojoloko. Wanaapüna jumaa jüitashaanain tü juyaka eemera'alasü wolunka julu'u ju'ula jiasa yalaje yalaala jüshorottaka wanee wuin julu'u jumocho jüpüla ipuworuleeinjatüin jia nutuma juya, eere jia jumuleulaain tü jüleeka jukalü ka'i, jümaa nnojoluin jütujaain ja'u tü kasa alatakalü jümüin. Jiasa wanee ka'i Taata Male'iwa nirajaaka tü wayuu nukumainkalü jüka pootshi eere nüntüin jünain müle'ushaanain jülee, niasa nia jashichika'aka nia jümüin jaali ipuwoluin jia, nüjuitiraka'aka jia yalajee jumaa eepünaweere ju'unuin juka jukuwa'ipa jupaapünaa mmaaka. Wolunka ojuitusu julu'uje tû piichika eejatûle jia paala nutuma Taata Male'iwa numaa mojushaanain jaain jaali tû kasa alatakalû jûmuin julu'uje tûra eejatûle jia, jiakalia o'unûsû chaya uuchitû'umuin yalamuin jûralo'umuin tu uuchikat makuira, yalajee yalaala wanajiraaka jumaa wanee wayuu jier jakatsa jian puloi jûkûjaka tû kasa alatakalû jûmuin jumuliajaka'aka jaain jumaa ju'unejaain jipialu'umuin eere kakalian jia jumaa yalaala joo jûpula jemeyuluinjatuin jia jipialu puloi, jemeishija'aya piamashii tepichi tooloyuu eere kanuliayain naya atumawaa, nûnulia wanee Alenûr otta mataashia Epichikuwa. Yalajee yalaala mule'ushii naa tepichikana semûyûkana. jiasa jûchikaje tûya puloi jukulajaapa namaairua ja'ainjakaka wanee kasa mojusu jûmûin nei naa tepichikana julu'u ju'utaleewolin jaain, joolu apûtaalashi naa tepichikana julu'u melin naya, jiasa jûnainje tûya kasa ainnakalû jûmuin tû neika nainku'ukaka aainrua maleeshija'aya waya juka wei jutuma tû wayuuka namaka'irua jumaa naluwataain jipialu'ujee puloi otta mataashia no'unuin eejenale nala nalaajûnûin nutuma juya. Muleuyuushijaaya naya yalaayala eere natujaain jau tû nakuwaipaka junain apûjawaa, alojoo, otta ayatawaa. Jiasa wanee ka'i Epichikuwa ûrû'uttaka naain nûmuin chii nuwalakai Alenur jaali waneein wayuu a'yataishaana, koustuleshi, wayuu atûjûshi nukuwaipapala aisû tû kasa eekalû nûûtpunaa ma'aka jaain tû wayuukalûirua, tûra mûrûtkalûirua otta mataasia tû mojuikalûirua, jiasa jou wanee kai neemeraka juyuupuna wanee mojui jûnain atunka, jiasa joo yalajee yalaala jûka Epichikuwa ûrû'ûttûin naain nunain chi nuwalakai naapakaka wanee wunuu nûliajatû chi nuwalakai jumaa nûyaatuin nuku'utpuna yalajee yalaala watuwo'ushireeshia nutuma jumaa nu'utuin nain.